في الحقيقة انا شريت القطة قبل شهر ونصف وكانت حامل وفي 29 رمضان جابت 5 قطط المهم الحين صارت اعمار الصغار 21 يوم تقريبا

المهم امهم احسها مهتمه فيهم كثيرررررر كل شوي تطالع فيهم وتلحس فيهم بشكل مستمر يعني كل عشرين دقيقه راحت لحستهم وعضت اذانهم ما ادري تنظف اذانهم وبالغلط تجرحهم بدون ما تقصد ودايم اشوف بقعة دم على اذنهم واحيانا لا .

المهم تركتها تسوي فيهم الي تبغى قلت يمكن فطره فالقطط وعادي امسكهم وانظفهم بمنديل الاطفال ما تقول شيء
لكنها ما عجبتني بالمرة ما تلعب واحسها حذره زيادة عن اللزوم وتطلب اكل كثير حاولت بشتى الطرق مافي فايده واكتشفت انها صماء وسمعت ان القطط الي عيونهم زرقاء ما يسمعون وقطتي عيونها زرقاء لكن البؤيؤ اسود وعند توجيه النور يصير احمر

وفوق هذا عضتني وشمخت يدي وان دفيتها مع ظهرها تنجن وتبدء تتخبى وتتصرف بشكل عدواني واذا جبت لها اكل ترتاح نفسيتها غريبه
وتجي عندي لكن بحذر باختصار وقت الاكل تصير مطيعه غير ذلك ماهي شايفتك
واذكر مره شفتها تشرب من موية الحمام اكرمكم الله ضربتها على ظهرها وشردت وتخبت فترة وسوتها معي ثلاث مرات لكن الحين اذا كفشتها وهي في الحمام اكرمكم الله تشرد وتتخبى في اي شيء

ممكن تعلموني ايش السبب وكيف اتصرف معهم