لكل المخطوبين عايز اقولكوا على حاجه كده ناس كتيره مش واخده بالها منها
انتوا دلوقتي لسه مخطوبين مش متجوزين
يعني في حدود في الخطوبة دي
يعني ماينفعش تكلمها بالليل و ماينفعش يكون فيه خلوة بينكوا و ماينفعش تقولها كلام حلو يضعف قلبها و ماينفعش تمسك ايدها ووانت بتلبسها الدبلة و في الاخر تقول "دى خطبتى و فيها ايه يعني"
لا ياسيدى فيها كتير اوي
هى خطبتك يعني لسه اجنبيه عنك
الخطوبة دي وعد بالزواج و ليس زواج
انت واثق ان الزواج ده نصيب مش كده؟؟
مش يمكن بأه قبل العقد بيوم يحصل اي حاجه تفركش الموضوع لقدر الله؟؟
مش ده وارد انه يحصل؟
انا مش بعقّدها عليك والله بس لو عايز تلاقي السعاده بجد خلّي فترة خطوبتك اسلاميه و اتقي ربنا انت و هوه عشان ربنا يباركلكوا
لأ وكمان هتحس انها غاليه اوي و انهك مش وصلتلها بسهوله و كمان هتمنع عنصر الشك اللي بيبقى موجود في اغلب الرجال بعد الزواج انهم مش واثقين في زوجاتهم
جميله اوي الروح اللي بينكوا ،انك بتحبها و نفسك تسمع صوته و هى بتحبك و نفسها تشوفك دايما و انكوا نفسكوا تسمعوا كلام حلو من بعض
بس حافظ على الروح اللي بينكوا دي عن طريق البعد عن بعض كده لفترة
لحد ما تكتبوا الكتاب عشان ربنا ينمّي الحب ده و بزيده و يبارك فيه
و حط في بالك دايما
" من استعجل شئ قبل اوانه عوقب بحرمانه"
"اذا احببت شخصا بشدة فلا تعصي الله فيه لان قلب من احببت بيد من عصيت"
"من ترك شيئا لله عوضه الله خيرا منه"
"من عمل صالحا من ذكر أو أنثى وهو مؤمن فلنحيينه حياة طيبة ولنجزينهم أجرهم بأحسن ما كانوا يعملون
ربنا يتمملكوا على خير و يرزقكوا بالازواج الصالحين
الدولة
الجنس
الإثنين 16 فبراير 2015, 20:10