ااخر كلام هكتبهولك ...
واخر سلام واخر ملام واخر عتاب
كام مره جيت خبط الباب ؟
كام مره قولت انا شاريكي
كام مره قللت مني علشان ارضيكي
كام ؟.. لو عرفتي تعدي كام عدي عادي
منتي شاطره في الحساب
مش حساب المدارس بتاع زمان
مش واحد وواحد يبقى اتنين
عمري ما اتخيلت لحظه اني انا وانتي روحين
عشت عمري كلو على اننا روح .. واحده بس
قلب واحد .. عمر واحد .. بس كنت فاهم غلط
بس عادي مش زعلان .. هزعل ليه منا الغلطان
قللت من كل شئ فيا .. علشان تكوني في يوم ليا
وجيت كمان على نفسي
انا اسف بكل لغات العالم .. اسف
مشوفتش صح من الاول
وسيبت الشوق معاها يطول
مفكرتوش هيتحول
واديني فوقت وجاي اقول
كلام كتير جوايا .. بس مش عايز اطول في الكلام
ولا كلامي هيغير منك .. ولا هيفيدني لو ملام
اخر كلام هكتبهولك
واخر كلام هقولهولك
هتخيلك سراب
كنتي قدامي ف طريق
والطريق عمال يديق
بس حبك كان سراب
لحظة فراقنا بانت والطريق جاب اخرو
كل حرف كتبتهولك من اول الحكايه
الطريق كان فاكرو
الطريق هيلف بيا .. هبعد خلاص ..
مش مناكي من زمان .. خلاص هبعد
وانسي انتي كل كلمه قولتهالك
انسي اي قصيده كتبتهالك
ولا اقولك حاجه احسن
اعتبريني سراب وسط الطريق
لما الطريق كان بيضيق ومكانش معاكي غيري
اعتبريني سراب وسط الندى وسط الشوارع
سلام يا اجمل ( كتكوته ) شافتها عيني
ومش هزعج قلبك تاني
اصلي وعدت قلبي .. يكون اخر كلام اكتبهولك
الدولة
الجنس
السبت 09 مايو 2015, 01:53